01/06/2026 19:00  კინოთეატრი ამირანი

ცხრათვიანი კონტრაქტი

რეჟისორი: ქეთევან ვაშაგაშვილი

79’ / 2025 / საქართველო, ბულგარეთი, გერმანია

უსახლკარო მარტოხელა დედა ჟანა სუროგატი ხდება, რათა ქალიშვილს, ელენეს უკეთესი ცხოვრება შეუქმნას რაც მას საკუთარი სხეულის უკიდურეს მსხვერპლად გაღებას აიძულებს. ელენე იზრდება და დედის არჩევანის საფასურს აცნობიერებს. ფილმი განსაკუთრებული სიზუსტით გვაჩვენებს დედა-შვილის კავშირს და სვამს კითხვას - სად გადის დედობრივი თავგანწირვის ზღვარი?

08/06/2026 19:00  კინოთეატრი ამირანი

არავინ არ ჩანს

რეჟისორი: კოტე კალანდაძე

75' / 2025 / საქართველო, საფრანგეთი

42 წლის აჩიკო თბილისის გარეუბანში მარტო ცხოვრობს და უკვე 10 წელია რაც თავის ძმასთან, გოგასთან ერთად, სახელმწიფო ჩანაცვლებითი თერაპიის პროგრამაშია ჩართული. ეს სისტემა მას ყოველდღიურ რუტინას სთავაზობს, მაგრამ გამოჯანმრთელების იმედს არ უტოვებს. აჩიკო თავისებურად ცდილობს გაუმკლავდეს ყოფით სირთულეებს და გაუსაძლის მარტოობას, მისი მთავარი გულშემატკივარი კი 8 წლის ძმისშვილი ელენეა. აჩიკოსთვის ფეხზე დადგომის ყოველი მცდელობა, იქნება ეს სოციალური დახმარების მიღება თუ სამსახურის პოვნა, მარცხით სრულდება, თუმცა ის მაინც არ ნებდება. უკრაინაში ომი მძვინვარებს, საქართველო გზაგასაყარზეა, აჩიკოს კი ფიქრობს, შესაძლებელია კი, რომ მისი ცხოვრება მართლაც შეიცვალოს?!

15/06/2026 19:00  კინოთეატრი ამირანი

როგორ ესაუბრო ლიდიას

რეჟისორი: რუსუდან გაფრინდაშვილი

72’ / 2025 / გერმანია, საქართველო

ფილმი მოგვითხრობს 24 წლის მოლდოველი მიგრანტის, დამიანის ისტორიას, რომელიც სამუშაოდ გერმანიაში მიემგზავრება. უზარმაზარ ლოგისტიკურ საწყობში მისი ყოველი ნაბიჯი ხელოვნური ხმით იმართება, სახელად ლიდია. სტერილურ სივრცეში, სადაც ადამიანები, მანქანები და ალგორითმები ერთიან რიტმში ფუნქციონირებენ, დამიანი ნელ-ნელა კარგავს ინდივიდუალობის განცდას.

22/06/2026 19:00  კინოთეატრი ამირანი

კომფორტის ლიმიტი

რეჟისორი: ალექსანდრე ქორიძე

70’ / 2025 / საქართველო

უკრაინაში რუსეთის სრულმასშტაბიანი შეჭრის შემდეგ, ათასობით რუსეთის მოქალაქემ საქართველო დროებით თუ მუდმივ თავშესაფრად აირჩია. ამ პროცესმა საქართველოსა და რუსეთს შორის არსებული ისტორიული და პოლიტიკური დაძაბულობა კიდევ უფრო თვალსაჩინო გახადა. რთული გეოპოლიტიკური ვითარებისა და შიდა პოლიტიკური არასტაბილურობის ფონზე, საქართველოს ისედაც მყიფე დემოკრატია მზარდი ზეწოლისა და გაურკვევლობის წინაშე დგას.

29/06/2026 19:00  კინოთეატრი ამირანი

ქართული ანიმაცია

პროგრამაში წარმოდგენილი ბოლო პერიოდის ქართული ანიმაციური ფილმები გვაძლევს საშულებას დავაკვირდეთ ქართულ ანიმაციას როგორც თანამედროვე, ისე ტრადიციულ ფორმებში.

06/07/2026 19:00  კინოთეატრი ამირანი

შენზე ვფიქრობდი ახლა

რეჟისორი: მაკა გოგალაძე

60’ / 2025 / საქართველო

საარქივო მასალა 90-იანი წლების ქუთაისის ყოველდღიურობას ასახავს. მოქალაქეების, პოლიტიკოსების, ხელოვანებისა და ჟურნალისტების თვალით დანახული გარდამავალი პერიოდი ქვეყნის წინაშე არსებულ მწვავე და რთულ გამოწვევებზე გვიყვება.

20/07/2026 19:00  კინოთეატრი ამირანი

ცეცხლი იქ

რეჟისორი: მარლენ ედოიანი

93’ / 2026 / სომხეთი, კანადა

ცხოვრების იმპრესიონისტული პორტრეტი სამხრეთ საქართველოს სომხურ სოფელში. ფილმი გვიყვება სამ მეგობარზე, რომლებიც სრულწლოვანების ზღვარზე არიან და ტრადიციასა და საკუთარ სურვილებს შორის გზის გაკვლევას ცდილობენ.

13/07/2026 19:00  კინოთეატრი ამირანი

ქართლის ცხოვრება

რეჟისორი: თამარ კალანდაძე, ჟულიენ პებრელი

2025 / 104' / საქართველო / საფრანგეთი

ყოფილი სანატორიუმი ქართლი 30 წელზე მეტია აფხაზეთიდან დევნილი ქართველების თავშესაფრად იქცა. შენობა ინგრევა. მაცხოვრებლები აპროტესტებენ, არაფერი იცვლება. ქართლი - სიცოცხლისა და სიკვდილის სასახლე, სადაც ოცნებები აღთქმულ მიწაზე თანდათან უჩნარდება.

27/07/2026 19:00  კინოთეატრი ამირანი

ქართული ვიდეო ხელოვნება

ქართული ვიდეო ხელოვნება - ერთი შეხედვით ეფემერული და პოეტური და ამავდროულად მჭიდროდ გადაჯაჭვული ქვეყანაში მიმდინარე სოციალურ და პოლიტიკურ მოვლენებთან. ამ მედიუმის განვითრების ტრაექტორია ასახავს იმ ქარტეხილებს, რომელიც ქვეყანამ დამოუკიდებლობის მოპოვებიდან დღემდე განვლო. განსაკუთრებით მნიშვნელოვანია ისტორიულ პერსეპქტივაში მოძრავი გამოსახულებით მოყოლილ ამბებზე რეფლექსია დღეს ქვეყანაში არსებული კრიზისების ფონზე.

სელექციას წარადგენენ ალექსი სოსელია და გიორგი სპანდერაშვილი, ქართული ვიდეო ხელოვნების არიქივის, Video.Image.ge-ის დამფუძნებლები.