2025 წლის აგვისტოდან დეკემბრამდე დოკა გასწევს სამგზავრო მხარდაჭერას ასოციაციის წევრებისთვის, რომლებიც მიწვეული არიან საერთაშორისო დოკუმენტური კინოინდუსტრიის სხვადასხვა პლატფორმაზე - ტრენინგი, ფიჩინგი, კინოფესტივალი. ვიზიტი უნდა ემსახურებოდეს კინოპროექტების განვითარებას, პროფესიულ განვითარებას,  ახლადდასრულებული ფილმის პოპულარიზაციას.

სამგზავრო მხარდაჭერა გაიცემა თანხის ამოწურვამდე.

განაცხადისთვის პასუხის განხილვისას დოკა იხელმძღვანელებს შემდეგი კრიტერიუმებით:

• მასპინძელი პლატფორმის მნიშვნელობა.

• მასპინძელი პლატფორმის ან სხვა მხარის თანამონაწილეობა.

• პლატფორმაში მონაწილეობის საჭიროება.

• პროექტის განვითარების ეტაპი.

• ღონისძიება უნდა ჩატარდეს არაუგვიანეს 2026 წლის იანვრისა.

მობილობის მხარდაჭერის მოთხოვნის ფორმა.

კითხვების შემთხვევაში დაგვიკავშირდით info@doca.ge

დოკუმენტური კინოს ასოციაცია DOCA იღებს განაცხადებს რეზიდენციისთვის საფრანგეთის ქალაქ ნანტში. განაცხადი ღიაა დოკუმენტური კინოს რეჟისორებისთვის თბილისიდან.

პროექტი გულისხმობს 10 დღიან რეზიდენციას ნანტში 2025 წლის 20-30 ნოემბერს, “3 კონტინენტის ფესტივალის” მსვლელობისას.

შერჩეული რეზიდენტისთვის სრულად იქნება დაფარული მგზავრობისა და ცხოვრების ხარჯები. 

ეს გაცვლითი სარეზიდენციო პროგრამაა დამეგობრებულ ქალაქებს  - ნანტსა და თბილისს შორის შორის, რომლის ფარგლებშიც თბილისსაც ესტუმრება ფრანგი რეზიდენტი ნანტიდან. 

დოკას პარტნიორები არიან ფრანგული ინსტიტუტი, ნანტის მერია, ნანტის სახვითი ხელოვნების სკოლა, საპროდუქციო კომპანია Grande Ourse Films და კინოფესტივალი “3 კონტინენტი”.

პროგრამა დაფარავს:

• საერთაშორისო ფრენას.

• საცხოვრებელს.

• დღიური ხარჯებს (Per Diem) (სრულად ან ნაწილობრივ).

• ადგილზე ხელმისაწვდომი იქნება პროფესიონალური. კონსულტაცია და გარკვეული პროფესიული ინფრასტრუქტურა.

მონაწილეობის პირობები:

• აპლიკანტი უნდა იყოს დოკუმენტური კინოს რეჟისორი, რომელიც ცხოვრობს თბილისში და აქვს საქართველოს მოქალაქეობა/რეზიდენცია.

• აპლიკანტს უნდა ჰქონდეს მიმდინარე კინოპროექტი.

• უნდა შეეძლოს მოგზაურობა 2025 წლის ნოემბერში.

• უპირატესობა მიენიჭება დოკას წევრებს.

შერჩევის პროცესი:

• შესარჩევი კომისია დაკომპლექტდება პროფესიონალებისგან თბილისიდან და ნანტიდან.

• შეფასების კრიტერიუმები: აპლიკანტის პროექტის მხატვრული ღირებულება, საერთაშორისო თანამშრომლობის მოტივაცია, რეზიდენციის საჭიროება

განაცხადების მიღება უკვე დახურულია

2025 წლის იანვრიდან მარტის ჩათვლით დოკა გასცემს სამგზავრო გრანტებს ასოციაციის წევრებისთვის, რომლებიც მიწვეული არიან საერთაშორისო დოკუმენტური კინოინდიუსტრიის სხვადა პლატფორმაზე - ტრენინგი, ფიჩინგი, კინოფესტივალი. ვიზიტი უნდა ემსახურებოდეს კინოპროექტების განვითარებას ან ახლადდასრულებული ფილმის პოპულარიზაციას.

სამგზავრო გრანტების ჯამური თანხა 4000 ევროა. გრანტები გაიცემა თანხის ამოწურვამდე (on first come, first serve basis).

სამგზავრო გრანტის მოთხოვნის ფორმის მისაღებად გთხოვთ, მოგვწერეთ მეილზე

info@doca.ge

2024 წლის ნოემბერში დოკუმენტური კინოს ასოციაცია IDFA-ზე დელეგაციით წარდგება. ევროპის ყველაზე დიდი დოკუმენტური კინოს ფესტივალი ამსტერდამში 14-24 ნოემბერს იმართება.

განსახილველად სულ 7 პროექტი შემოვიდა და გასაცემი თანხა საბოლოოდ 7000 ლარს შეადგენდა. 3500-3500 ლარით დაფინანსდა ორი პროექტი:

"ფართოდ გახელილი თვალები". რეჟისორი სოფო აფრიამაშვილი, პროდიუსერი ნინო ორჯონიკიძე

"ბერლინელი". რეჟისორი ანა ხაზარაძე, პროდიუსერი ნინო ჩიჩუა

გადაწყვეტილება მიიღო მოწვეულმა საერთაშორისო ჟიურიმ, რომლის შემადგენლობაში შედიოდნენ ტუე სტინ მიულერი, მადელინ რობერტი და ილეანა სტანკულესკუ. ხაზგასმით უნდა აღინიშნოს, რომ დოკას გუნდი გადაწყვეტილების მიღების პროცესში არც ერთ ეტაპზე არ მონაწილეობდა.

დოკუმენტური კინოს ასოციაციამ 2024 წლის ოქტომბრის დასაწყისში გამოაცხადა კონკურსი იმ კინოავტორებისთვის, რომლებსაც ჰქონდათ წარმოებაში არსებული დოკუმენტური კინოს პროექტი და პროექტის მიზნებისთვის აპირებენ გადაღებას 2024 წლის 26 ოქტომბრის არჩევნების დღეს.

აპლიკაცია პირობები შემდეგი იყო:

- ფილმის რეჟისორი ან პროდიუსერი უნდა იყოს დოკას წევრი;

- ფილმის პროექტი უნდა იყოს გვიანი განვითარების ან წარმოების ეტაპზე;

- სასურველია, თუმცა არა აუცილებელი, ფილმს უკვე ჰქონდეს მოპოვებული გარკვეული დაფინანსება;

- აპლიკაცია წარმოდგენილი უნდა იყოს ინგლისურ ენაზე.

გრანტის მიმღები ანგარიშვალდებულია დოკუმენტური კინოს ასოციაციასთან და სამუშაოს გაწევის ბოლოს უნდა წარმოადგინოს შესაბამისი სამუშაოს დამადასტურებელი შინაარსობრივი დოკუმენტაცია (ფოტო / ვიდეო / წერილობითი ანგარიში).

პროექტების წარმოდგენის საბოლოო ვადა იყო 10 ოქტომბერი.

გრანტის გაცემა შესაძლებელია თბილისის ადამიანის უფლებათა სახლისა და საქართელოში ნიდერლანდების საელჩოს მხარდაჭერით.

10 000 ლარი პროექტისთვის "წმინდა ხმები", რომელიც ადამიანის უფლებების თემას შეეხება - რეჟისორები ნონა გიუნაშვილი და მარიამ ბიწაძე

7 000 ლარი პროექტისთვის "ეს არაა ჩემი ზღვა". რეჟისორი ელენა მიქაბერიძე

7 000 ლარი პროექტისთვის "ელ დორადო". რეჟისორი რატი ონელი

სინედოკის კინომენტორინგის პროგრამის ფარგლებში, განვითარების, წარმოების თუ მონტაჟის ეტაპზე მყოფი ამ ქართული დოკუმენტური კინოპროექტებისთვის დოკამ ეს 3 ფულადი პრიზი გასცა:

პრიზების გაცემის შესახებ გადაწყვეტილება მიიღო კინომენტორტორინგის პროგრამის საერთაშორისო ჟიურიმ, რომლის შემადგენლობაში შედიოდნენ გიტე ჰანსენი, ფილ ჟანდალეი და ტუე სტინ მიულერი. სინედოკის კინომენტორინგის პროგრამის ფარგლებში დოკამ ფულადი პრიზები 2023 წელსაც გასცა.

ფულადი პრიზების გაცემა შესაძლებელი იყო ადამიანის უფლებათა სახლისა და საქართველოში ნიდერლანდების სამეფოს საელჩოს, IMS-ისა და New Democracy Fund-ის მხარდაჭერით.

1 000 ლარი ფილმისთვის "რექვიემი ზაფხულის ცხელ დღეებს". რეჟისორი გიორგი ფარქოსაძე

• 2 500 ევრო პროექტისთვის "გულო, ნუ გეშინია". რეჟისორი ანა კვიჭიძე,  პროდიუსერები ავთანდილ ხორავა და მარიამ ბიწაძე

DOCA-სა და თბილისის ადამიანის უფლებათა სახლის ფულადი ჯილდო ამ პროექტს ESoDoc Tbilisi-ს ფიჩის ფარგლებში გადაეცა. სულ თბილისში ჩატარებულ ESoDoc-ის ფიჩზე ოთხი ქართული პროექტი მონაწილეობდა. ფულადი ჯილდოს მიმღები დაასახელა ESoDoc-ის საერთაშორისო ჟიურიმ, რომელიც დოკუმენტური კინოინდუსტრიის ექვსი წამყვანი პროფესიონალისგან შედგებოდა.

2 500 ევრო პროექტისთვის "ქართლის ცხოვრება". რეჟისორები თამარ კალანდაძე და ჟულიენ პებრელი

სინედოკის კინომენტორინგის პროგრამის ფარგლებში, წარმოების ეტაპზე მყოფი ამ ქართული დოკუმენტური კინოპროექტს დოკამ ადამიანის უფლებათა სახლთან ერთად პრიზი გადასცა.

პრიზიორი მენტორინგის პროგრამის მონაწილეებს შორის შეარჩია პროგრამის საერთაშორისო ჟიურიმ.

ფულადი პრიზის გაცემა შესაძლებელი გახდა ადამიანის უფლებათა სახლისა და ადამიანის უფლებათა საერთაშორისო ფონდის მხარდაჭერით.