თინათინ გურჩიანი დაიბადა თბილისში, საქართველოში. ის სწავლობდა ფერწერასა და ფსიქოლოგიას გერმანიასა და ავსტრიაში. ფსიქოლოგიის ბაკალავრის წარჩინებით  დამთავრების შემდეგ, სწავლა გააგრძელა რეჟისურის მიმართულებით პოტსდამ-ბაბელსბერგის კინემატოგრაფიისა და ტელევიზიის უნივერსიტეტში (HFF Konrad Wolf, გერმანია), რომელიც ასევე წარჩინებით დაასრულა 2010 წელს.

 2007 წელს მისმა სტუდენტურმა ნამუშევრებმა მოიპოვეს DAAD-ის პრემია მხატვრული და სოციალური აქტიურობისთვის კინოში. 2012 წელს, თავისი სადიპლომო ფილმით ნომინირებული იყო გერმანიის კინემატოგრაფიის აკადემიის პრემია First Steps-ზე.

მისი პირველი სრულმეტრაჟიანი დოკუმენტური ფილმი მანქანა, რომელიც ყველაფერს გააქრობს აჩვენეს და დააჯილდოვეს 140-ზე მეტ ქვეყანაში, ისეთი ფესტივალების ფარგლებში, როგორებიცაა: IDFA, Sundance, Hot Docs, MOMA, DOK Leipzig, Thessaloniki IFF, Viennale, AFI Docs, Visions du Réel Nyon, Busan IFF და სხვ. ფილმმა მოიპოვა საუკეთესო რეჟისორის ჯილდო სანდენსის ფესტივალზე (2013), Filmmaker Award Hot Docs-ზე (2013), It’s All True პრემია ბრაზილიაში და სხვა მნიშვნელოვანი საერთაშორისო ჯილდოები.

თინათინ გურჩიანი ცხოვრობს და მუშაობს თბილისში და ბერლინში.