მარიამ ელენე გომელაური თბილისში დაფუძნებული კინოხელოვანია, რომელმაც აუდიო-ვიზუალური ხელოვნება საქართველოს საზოგადოებრივ საქმეთა ინსტიტუტში (GIPA) შეისწავლა. თვითაღქმა, კლასობრივი უთანასწორობა, ეკოლოგიური კრიზისი, გენდერი და იდენტობა — ეს ის რამდენიმე თემაა, რომელზეც ელენე თავის ფილმებში ხშირად ფოკუსირდება. 

2023 წელს „ვენეციის არქიტექტურული ბიენალეს“ ფარგლებში, საქართველოს პავილიონისთვის ელენემ იმუშავა მოკლემეტრაჟიან დოკუმენტურ ფილმზე „მარადის“, რომელიც ნამოხვანის ჰესის პროტესტს მიჰყვება. ხოლო, მისმა სადებიუტო მოკლემეტრაჟიანმა ფილმმა „Für Lilith/ლილიტს“ გენტის საერთაშორისო მოკლემეტრაჟიანი ფილმების ფესტივალზე „Best Connecting Cultures Film“ კატეგორიაში გაიმარჯვა. 

ელენემ საპროდიუსერო კომპანია „პარაშუტ ფილმსში“ პროდიუსერის ასისტენტად მუშაობის გამოცდილება მიიღო, 2024 წელს კი ვიზუალური სახელოვნებო სივრცე „ალიკვალის” თანადამფუძნებელი გახდა.