მარიამ ბიწაძე — ქართველი პროდიუსერი, სცენარისტი და რეჟისორი — ფლობს ფსიქოლოგიის საბაკალავრო და აუდიოვიზუალური ხელოვნების სამაგისტრო ხარისხებს. მას შემდეგ, რაც იმუშავა ოსკარზე წარდგენილ ფილმზე „სიმინდის კუნძული“, დააარსა დამოუკიდებელი პროდაქშენ კომპანია „17/07“, რომელიც ახალ ტალანტებს უჭერს მხარს. მისი სადებიუტო ფილმი „სუფრა“, რომელიც თბილისის საერთაშორისო კინოფესტივალზე დაჯილდოვდა, ქალების თავგანწირვას ეძღვნება. მარიამი DOCA საბჭოს არჩეული წევრია. შედის Forbes-ის „30 წლამდე 30“-ის სიაში. ამჟამად ცხოვრობს ჟენევაში და სწავლობს კინორეჟისურის მაგისტრატურაზე ECAL/HEAD-ში.